Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Ҳаменеий: Трамп АҚШнинг асл юзини кўрсатди
07:49 / 08.02.2017
20310

Дональд Трамп сайловолди кампанияси давомида ва Оқ уйга келгандан кейин АҚШнинг асл юзини кўрсатди, деб айтди Эрон олий етакчиси оятуллоҳ Али Ҳаменеий мамлакат ҳарбий-ҳаво кучлари қўмондони билан учрашувда.  

"Биз Трампга АҚШнинг асл юзини кўрсатгани учун миннатдорчилик билдиришимиз керак. У шу билан ишни осонлаштирди. Биз 30 йил аввал гапирган гаплар, яъни АҚШ ҳукмрон тизимининг сиёсий, иқтисодий, маънавий ва ижтимоий тубанлашганини Трамп сайлов олдидан ва ундан кейин очиқчасига намойиш қилди", деб айтди Ҳаменеий. 

Ҳаменеий АҚШга 7 та мусулмон давлат, жумладан Эрон фуқароларига кириш тақиқланганини эслатиб ўтди.   

"Вашингтондаги Даллас аэропортида оиласи билан АҚШга қўйилмаган 5 ёшли боланинг қўлига кишан солинди. Бу ҳодиса АҚШдаги инсон ҳуқуқлари билан боғлиқ вазият аслида қандайлигига яққол мисолдир", деб таъкидлаб ўтди Эрон олий раҳнамоси.


Улашинг
Top