Germaniyada prezident saylovi natijalari ma'lum bo‘ldi

Germaniya TIVning sobiq rahbari, sotsial-demokrat Frank-Valter Shtaynmayyer mamlakatda 12 fevral kuni o‘tkazilgan prezidentlik saylovida g‘alaba qozondi.

Ushbu siyosatchi nomzodi uchun 931 kishi ovoz bergan. Federal yig‘ilishda 1260 kishidan 1239 kishining byulleteni haqiqiy deb topildi. Birinchi turdayoq saylanish uchun 631 kishining ovozi kifoya qilardi.

Shtaynmayyer avvaldan saylovda g‘olib chiqish uchun asosiy nomzod hisoblanayotgandi. Mamlakat amaldagi prezidenti Yoaxim Gauk o‘tgan yilning iyunida o‘z nomzodini keyingi prezidentlik muddatiga qo‘ymasligini ma'lum qilgandi, u bu qarorni yoshi bilan bog‘lagan. Gauk 1940 yilda tug‘ilgan bo‘lib, katta ehtimol bilan lavozimida qolishi mumkin edi.