Lavrov tez orada AQSh davlat kotibi bilan uchrashadi

Rossiya AQShning yangi prezidenti Donald Trampning ma'muriyati bilan muloqotga kirishdi. Uning tashqi siyosat bilan shug‘ullanuvchi bo‘limlari to‘liq takomillashganidan keyin muloqot intensivligi yanada oshadi. Rossiya TIV rahbari Sergey Lavrov NTV telekanaliga bergan intervyusida shu haqida ma'lum qildi. 

"Biz har qanday mamlakat pozitsiyasini hurmat qilamiz va doimo barcha yondashuvlarni muhokama qilishga tayyormiz. Ishonchim komilki, bizning Donald Tramp ma'muriyati bilan muloqotimiz davom etadi, ma'muriyatning tashqi siyosiy ishlar bilan shug‘ullanuvchi bo‘limlari to‘liq shakllangach, munosabatlar yanada intensivlashadi", - dedi RF TIV rahbari. 

Lavrovning ta'kidlashicha, uning AQSh davlat departamentining yangi rahbari Reks Tillerson bilan uchrashish joyi va vaqti muvofiqlashtirilmoqda.

AQSh kongress senati 1 fevral kuni davlat kotibi lavozimiga Reks Tillerson nomzodini tasdiqladi. 64 yoshli Tillerson bundan avval ExxonMobil energetika kompaniyasini boshqargan.