Hafta xatosi. Yevropa ligasi uchrashuvida hakam haqqoniy golni hisoblamadi

Yevropa Ligasi 1/16 final doirasidagi «Legiya» – «Ayaks» uchrashuvi bosh hakami David Fernandes Borbalan qo‘pol xatoga yo‘l qo‘ygani ma'lum bo‘ldi.

Uchrashuvning birinchi bo‘limida «Ayaks» yarimhimoyachisi Devi Klassen «Legiya» darvozasini ishg‘ol qilgan. De Telegraaf nashrida chop etilgan fotoda bu yaqqol ko‘rinib turibdi. Ammo hakamlar, ayniqsa to‘p yaqinida turgan, UYeFA tomonidan yordamchi kuch sifatida foyda berishi kutilgan beshinchi hakam shu masofadan turib ham vaziyatni to‘g‘ri baholay olmagan. 

Oxir oqibatda «Legiya» – «Ayaks»  o‘rtasidagi uchrashuvda hisob ochilmay qolgan.

Eslatib o‘tamiz, yanvar oxirida shu kabi holat Ispaniya chempionati doirasidagi «Betis» – «Barselona» uchrashuvida ham kuzatilgan. O‘shanda uchrashuv bosh hakami «Barselona» futbolchisi Neymarning golini hisobga olmagandi.