Britaniyada Trampning limuzini sotuvga qo‘yildi

Britaniyaning Exchange and Mart savdo maydonchasi saytida AQSh prezidenti Donald Trampning limuzini sotilishi haqida e'lon paydo bo‘ldi. Bu 1988 yilda maxsus buyurtma bo‘yicha ishlab chiqarilgan Cadillac bo‘lib, uning qiymati taxminan 58,5 ming yevroga baholanmoqda.

Limuzinning hozirgi egasi uni o‘n yil muqaddam xarid qilganini, u va AQSh rahbariga qadar mashina yana uch insonning mulkida bo‘lganini xabar qilgan. Tramp mashinani aynan qancha muddat ishlatganiga aniqlik kiritilmadi.

Ma'lum bo‘lishicha, «Kadillak» Trampning ko‘rsatmalari asosida tayyorlangan. Avvaliga 50ta shunday limuzin chiqarish rejalashtirilgan, biroq yakunda atigi ikkita nusxa taqdim etilgan.

Limuzinda mini-bar va kassetali videomagnitofonga ega kichik televizor bor, orqa qismdagi o‘rindiqlar esa bir-biriga qarama-qarshi joylashgan.

Besh litrli dvigatelga ega avtomobil shu paytga qadar 72,5 ming kilometr masofa yurgan.

Ma'lumot uchun, 2016 yilning kuzida 1997 yilda ishlab chiqarilgan hamda Donald Trampga tegishli bo‘lgan Lamborghini Diablo VT Roadster ham sotuvga qo‘yilgandi. Avtomobil 460 ming dollarga sotildi.