Qozog‘iston sharqida yo‘qolgan vertolyot topildi

Qozog‘iston sharqida g‘oyib bo‘lgan S-341 rusumli, ichida 3 kishi bo‘lgan xususiy vertolyot qulagan joy topildi. Bu haqda Qozog‘iston IIV favqulodda vaziyatlar qo‘mitasi rasmiy vakili Ruslan Imankulovga asoslangan holda «Interfaks» xabar bergan.

Dastlabki ma'lumotlarga ko‘ra, vertolyot uchuvchisi halok bo‘lgan.

Vertolyot Ayagoz shahridan 60 km shimoli-g‘arbdan topilgan. Yo‘lovchilardan biri omon qolgan, uni Aygiz qishlog‘iga olib borishgan. Uchinchi yo‘lovchi haqidagi ma'lumot o‘rganilmoqda.