16:33 / 02.03.2017
7843

Qaroqchilar Turkiya bayrog‘i ostida suzayotgan tankerni garovga olishdi

Liviyalik qaroqchilar guruhi Liviya qirg‘oqlari yaqinida Turkiya bayrog‘i ilingan tankerni qo‘lga olishgan. Bu haqda CNN Turk telekanalida xabar berildi.

Qayd etilishicha, kema ekipajining 11 nafar xodimi ayni vaqtda asirlikda.

Deniz Haber agentligi ma'lumotiga ko‘ra, Liviya qirg‘oqlaridan 2 milya ichkarida neft tashuvchi M/T Haci Telli tankeri qaroqchilar qo‘liga tushgan. Bu tanker Turkiya kompaniyasiga tegishli bo‘lib, liviyalik tadbirkor tomonidan ijaraga olingandi. 

Qaroqchilar tovon puli to‘lanmasa, garovdagilarni qo‘yib yubormasligi va kemani metallomga topshirib yuborishlari bilan tahdid qilishmoqda.

Mavzuga oid
Top