AQShda onalarni farzandlaridan bo‘lak qilishmoqchi

AQShlik amaldorlar AQShga noqonuniy kirayotgan onalar va bolalarni bir-biridan ajratish imkoniyatini ko‘rib chiqishmoqda.

Bu chora AQShga o‘z farzandlari bilan noqonuniy kelayotgan ayollar oqimini kamaytirishga qaratilgan.

Agar qonun qabul qilinsa, ota-onalar deportatsiya haqidagi qaror ko‘rib chiqilguncha hibsda ushlab turiladi, ularning farzandlari esa ijtimoiy xizmatlar qaramog‘ida bo‘ladi.

Avvalroq AQShning milliy xavfsizlik vaziri Jon Kelli deportatsiya vaqtida harbiylardan foydalanilmasligini ma'lum qilgandi.