BMTning gumanitar masalalar bo‘yicha boshqarmasi ma'lum qildiki, Suriyada yana 66 ming kishi o‘z uylarini tark etishga majbur bo‘ldi.
Ma'lum qilinishicha, Suriya shimolidagi Al-Bob va Taduf shaharlaridan 40 mingga yaqin kishi chiqqan.
Bu hudud ayni vaqtda IShIDdan Turkiya hukumati qo‘llab-quvvatlayotgan muxolifat kuchlari nazoratiga o‘tgan.
Yana 26 ming kishi Suriya armiyasi jang olib borayotgan, Al-Bobdan sharqda joylashgan qishloqlardan chiqqan.
Qochqinlarning harakatlanishi qiyinlashmoqda, atrof hududlarga jangarilar minalar o‘rnatgan.
Qochqinlarning aksar qismi AQSh tomonidan qo‘llab-quvvatlanayotgan Suriya demokratik kuchlari nazoratidagi hududlarga yo‘l olgan.
Suriyada fuqarolar urushi boshlanganidan buyon mamlakat aholisining deyarli yarmi o‘z uylarini tashlab ketishga majbur bo‘ldi.
