AQShda 97 yoshli egizaklar fojiali tarzda bir kunda hayotdan ko‘z yumishdi

Egizak opa-singil bir kunda fojiali tarzda halok bo‘ldi, deb yozmoqda The Washington Post nashri.

Rod Aylend shtatida istiqomat qiluvchi 97 yoshli Jyeyn Heyli va Marta Uilyams o‘zlaridan uncha uzoq bo‘lmagan uyda istiqomat qiladigan kichik singillarinikiga kechki ovqatga birgalikda borishgan. Tanovuldan so‘ng, singlisi ularni Heylining uyiga keltirib qo‘ygan. 

Politsiya ma'lumotlariga ko‘ra, Marta mashinadan uyga kelaverishda yiqilib tushgan. Heyli esa, ehtimol, yordam berish niyatida bo‘lgan, ammo qoqilib ketgan. Ikki keksa kampir ham sovuq havoda qolib ketgan. Ertalab ularni qo‘shnilari aniqlashgan.