Mourino Grizmanndan rad javobi olgach, boshqa bir yuqori saviyali futbolchiga yuzlandi

«Manchester Yunayted» jamoasi bosh murabbiyi Joze Mourino «Bavariya» hujumchisi Robert Levandovskining xizmatlariga qiziqish bildirmoqda.

The Independent xabariga ko‘ra, portugaliyalik mutaxassis «Atletiko» hujumchisi Antuan Grizmann yozda mankunianlar klubiga o‘tmasligi va Madridda qolishini ma'lum qilganidan keyin polshalik ushbu futbolchiga yuzlangan.

Levandovskining agenti Mayk Bartel esa o‘z tvitterida shunday yozgan: «Yuqori toifali hech bir futbolchi V reja sifatida qaralmasligi kerak».

Bundan oldingi xabarlarda myunxenliklar rahbariyati Levandovskini transferga qo‘ymasligi haqida ma'lum qilgani aytilgandi.

Bundesliganing joriy mavsumida Levandovski «Bavariya» safida 23 o‘yinda maydonga tushdi va 19 gol urib, 3 golli uzatma muallifi bo‘ldi.

«MYu»da orziqib kutilayotgan transfer amalga oshmaydigan bo‘ldi