Qirg‘iziston sobiq prezidenti Bakiyev Minskda hashamatli uy qurdi

Qirg‘izistonning sobiq prezidenti Qurmonbek Bakiyev Minsk shahrida hashamatli uy qurdi. Bu haqda Belarus OAV xabar bermoqda.

2010 yilda Qirg‘izistondagi aprel inqilobidan so‘ng Bakiyev Belarusga qochgan va “Plavno” qarorgohida yashab kelayotgandi. Bakiyev bir qator OAVga bergan intervyusida Minsk shahrida besh yil davomida qurilgan uyga ko‘chib o‘tishni rejalashtirayotgani haqida xabar bergandi.

Hashamatli uy “Lebyajiy” kichik tumanida joylashgan. Qirg‘iziston sobiq prezidentining qo‘shnilari amaldorlar va mashhur sportchilar ekani aytilmoqda. Jurnalistlarning xabar qilishicha, devorlardan birida Qurmonbek Bakiyevning “Og‘riq, muhabbat, umid: mening Qirg‘izistonim” kitobi muqovasidagi suratni ko‘rishgan.