2009 yilda tug‘uruq vaqtida qoniga infeksiya tushishi oqibatida komaga tushgan serbiyalik Daniela Kovachevich 7 yildan keyin o‘ziga keldi va birinchi marta o‘zining qizini ko‘rdi, deb yozmoqda The Sun nashri.
Bu ajoyib hodisa shifokorlarni hayratga soldi.
Shu 7 yil davomida Daniela ko‘zi ochiq holatda komada bo‘lgan. Ancha vaqt yotib qolgan ayol hozirda asta-sekin o‘ziga kelmoqda, mustaqil ravishda o‘tirmoqda, so‘zlashmoqda va qo‘lida buyumlarni ushlay olmoqda. Daniela miya ishini faollashtirish uchun maxsus mashqlar bajarmoqda. Uning yaqinlari Daniela komada yotgan vaqtida hech qancha o‘zgarmaganini, faqatgina bir oz vazn qo‘shganini aytishmoqda.
Bu hodisa Serbiyada bemor bunday uzoq vaqt komada bo‘lgandan keyin o‘ziga kelgan birinchi holat bo‘ldi.
