Dubayda birinchi robot-politsiyachilar joriy yilning mayida xizmat qila boshlaydi, 2030 yilga kelib esa mashinalar shaxsiy tarkibning to‘rtdan bir qismini almashtiradi, deb xabar bermoqda Daily Mail.
Nashr ma'lumotiga ko‘ra, mexanizm yuzlarni farqlash texnologiyasiga ega, buning yordamida 20 metrlik masofadan obektni skanerdan o‘tkazishi mumkin. Bundan tashqari, robotning ko‘krak qafasi qismida sensorli ekran joylashgan: uning yordamida istalgan inson tartibbuzarlik haqida xabar berishi mumkin. Shuningdek mashina jarimalarni to‘lashda yordam beradi.
