Qashqadaryoda 190 million so‘mlik soliq qarzi undirildi

O‘zbekiston Respublikasi Davlat soliq qo‘mitasi va Sud departamenti o‘rtasida yuridik va jismoniy shaxslar hamda yakka tartibdagi tadbirkorlarning soliqlardan bo‘lgan qarzdorliklarni majburiy tartibda undirish yuzasidan qo‘shma kompleks chora-tadbirlar rejasi tasdiqlangan.

Unda belgilangan vazifalar ijrosini ta'minlash maqsadida, Qashqadaryo viloyatining Qarshi shahri va tumanlarida o‘n kun davomida jismoniy shaxslar soliq qarzini majburiy tartibda undirish borasida amaliy ishlar olib borildi.

Ushbu tadbirlar natijasida 173 ta sud hujjatlari bo‘yicha 190 mln. so‘mga yaqin mablag‘ undirilib, soliq qarzi qoplandi. Shuningdek, 12 turdagi qiymati 364 mln. so‘mdan ortiq 89 ta mol-mulklar xatlandi.