Foto: AFP
AQSh prezidenti Donald Tramp dushanba kuni mamlakatning Yaponiyadagi yangi elchisi nomzodini taklif qildi, deb xabar berdi Oq uy.
Tramp senatga tasdiqlash uchun tadbirkor Uilyam Frensis Xagerti nomzodini ilgari surdi. U Hagerty Peterson and Company sarmoya va konsalting firmasi asoschisi bo‘lib, Tennessi shtati hukumatida ishlagan.
Yaponiyadagi hozirgi elchi Kerolayn Kennedi bu lavozimda 2013 yildan beri ishlaydi. U Barak Obama tomonidan elchi etib tayinlangan. Kerolayn – prezident Jon Kennedi va uning rafiqasi Jaklin Kennedining qizi hisoblanadi.
Avvalroq Tramp ma'muriyati AQShning xorijdagi siyosiy tayinlov asosida ish olib boruvchi elchilari o‘zgartirilishi haqida ma'lum qilgandi.
