Ostonada "Bloomberg" telekanali idorasi ochiladi

Qozog‘istonning Ostona shahrida "Bloomberg" telekanalining idorasi ochiladi. Bu haqida Qozog‘iston Respublikasi bosh vazirining rasmiy saytida xabar berildi. 

"Qozog‘iston bosh vaziri Bakitjan Sagintayev AQShga rasmiy tashrifi doirasida Nyu-Yorkning sobiq merlari Rudolf Juliani va Maykl Blumberg bilan uchrashdi. Muzokaralar davomida telekommunikatsion infratuzilma, shuningdek "Ostona" xalqaro moliyaviy markazi rivoji  sohasidagi hamkorlik masalalari muhokama qilindi. Bundan tashqari, Ostonada "Bloomberg" telekanali va idorasi ochilishiga doir kelishuv - o‘tkazilgan uchrashuvlarning muhim natijasi bo‘ldi", - deyiladi bosh vazir saytida. 

Shuningdek Sagintayev Chevron, Citigroup, Bloomberg, WR Berkley Group, GE Transportation, OSI Systems, Pfizer, Cisco, Robomatter Inc., sentra IBM Watson, Autodesk, Tesla Motors, Bridge WestGroup, Learn Capital, Sound Hound, Uber, Silicon Valley Innovation Center, Google va Microsoft vakillari bilan uchrashdi. Ular bilan IT-texnologiyalar, mashinasozlik, energetika, kimyo, oziq-ovqat va qayta ishlash sanoati, telekommunikatsiyalar, kelajak transporti, qurilish, ta'lim, sog‘liqni saqlash va turmush sifatini yaxshilash sohalaridagi hamkorlik masalalari muhokama qilindi.

Yirik IT-kompaniyalar bilan muzokaralar davomida Qozog‘iston uchun muhim memorandumlar imzolandi.