Madridning «Real» klubi yarimhimoyachisi Xames Rodriges jamoasini almashtirishga juda yaqin turibdi, deya xabar bermoqda Marca.
Manba bergan ma'lumotlarga ko‘ra, bu «Qirollik klubi»ning Isko bilan shartnomani uzaytirishi va Marko Asensioning sotilishi daxlsiz futbolchiga aylantirishi bilan bog‘liq qarorlaridan so‘ng kelib chiqqan. «Real»dagilar bir vaqtning o‘zida uchchala futbolchini ham bitta jamoada ushlab tura olmasligini yaxshi tushunib yetishgan.
Joriy mavsum boshlanishidan oldin ispan matbuoti bir necha marotaba Rodriges «Real»ni tark etishi mumkinligi haqida yozgandi.Futbolchi joriy mavsumda «qaymoqranglilar» safida 17 uchrashuvda maydonga tushgan bo‘lib, ularning 9tasini asosiy tarkibda boshlagan. Bu vaqt davomida futbolchi 4 gol va 6ta golli uzatmani amalga oshirgan.
Eslatib o‘tamiz, Xames 2014 yilda «Real»ga «Monako»dan 81 million yevro evaziga kelib qo‘shilgandi.
