Turkiyada konstitutsiyaviy referendum bo‘yicha yakuniy natijalar tasdiqlandi

Turkiyaning oliy saylov kengashi (OSK) 16 aprelda mamlakatda o‘tgan konstitutsiyaviy referendum bo‘yicha yakuniy natijalarni keltirdi. Referendumda 51,41 foiz saylovchi mamlakatning prezidentlik boshqaruvi tizimiga o‘tishi uchun ovoz berdilar, deb ma'lum qildi OSK rahbari Sadi Guven.

Avvalroq muxolifat referendumning natijalarini bekor qilishni talab qilib chiqqandi. Bunga esa OSKning pechatsiz bo‘lgan byulleten va konvertlarni haqiqiy deb hisoblash qarorining noqonuniyligi sabab qilib ko‘rsatilgan. Biroq OSK bu apellyatsiyani rad etgan. 

"Referendumda davomat 87,45 foizni tashkil qildi. Islohotlar uchun saylovchilarning 51,41 foizi ovoz berdi, 48,59 foizi qarshi chiqdi", deb aytdi jurnalistlarga Guven.