Germaniya moliya vaziri Volfgang Shoyblening fikricha, YeI Buyuk Britaniyani uni blokdan chiqqanidan so‘ng “bepul boqish” niyatida emas. Bu haqda Reuters xabar bermoqda.
«Ularda free lunch bo‘lmaydi, Britaniya buni bilib qo‘yishi kerak», - deya aytib o‘tgan Shoyble Funke Media Group jurnalistlariga bergan intervyusida.
«Biz Britaniyani kuchsizlantirish niyatida emasmiz, ammo biz shuningdek, qolgan Yevropa ham kuchsizlanishini istamaymiz, - deya aniqlik kiritdi Shoyble. – Britaniyada chiqish jarayonidan so‘ng boshqa mamlakatlardan ustunligi bo‘lishi kerak emas».
Eslatib o‘tamiz, 27 aprel kuni Germaniya kansleri Angela Merkel Londonni Brexit’dan so‘ng YeI a'zo davlati sifatida imtiyozlar borasida «xom xayollarga bormaslikka» chaqirdi.
28 aprel kuni esa VVS jurnalistlari Tereza Mey hukumati «xorijiy davlatlar, jumladan YeI a'zolariga nisbatan ham sanksiya kiritish imkonini beruvchi qonun loyihasini tezkorlik bilan ishlab chiqayotgani» haqida xabar tarqatdi.
