Venesuela ADTdan chiqadi

Venesuelaning Amerika davlatlari tashkilotidagi (ADT) missiyasi rasman tashkilot tarkibidan chiqishini ma'lum qildi. Bu haqda missiyaning Twitter sahifasida e'lon qilingan bayonotida so‘z yuritilgan. 

"ADTdagi diplomatik vakolatxona (tashkilot bosh kotibi L.Almagroga) chiqish jarayonini boshlash xususida prezident Nikolas Maduro imzosi qo‘yilgan maktubni topshirdi", — deyiladi xabarda. 

26 aprel kuni ADT doimiy kengashi Venesueladagi vaziyat yuzasidan tashkilotga a'zo davlatlar tashqi ishlar vazirlarining favqulodda yig‘ilishini chaqirgan edi. Shu munosabat bilan, Venesuela TIV rahbari mamlakat prezidenti Nikolas Maduro tashkilotdan chiqish jarayonini ishga tushirishini aytgan edi. Maduroning o‘zi esa, mamlakatning zudlik bilan ADTni tark etishini ta'kidlagan edi. Ammo, rasmiy jarayon 2 yilni talab qiladi.