“O‘zbekiston” sport majmuasida boks bo‘yicha kattalar o‘rtasida 29-Osiyo chempionati davom etmoqda. Ayni vaqtda 46-49 kg vazn toifasida ishtirok etayotgan bokschilarning chorak final yo‘llanmasi uchun kurash davom etmoqda.
Ushbu vazn toifasida ishtirok etayotgan hamyurtimiz Hasanboy Do‘smatov shri-lankalik raqibi Palleha Tsivankani mag‘lub etgani haqida xabar bergan edik.
Qur'a natijasiga ko‘ra, ulardan so‘ng ringga ko‘tarilgan qozog‘istonlik Yerjon Jo‘mart va tayvanlik Lin Hong-Da juftligi g‘olibi chorak finalda Hasanboyga qarshi kurash olib borishi kerak edi. Qizg‘in bahslarda qozog‘istonlik Jo‘mart raqibidan ustun keldi.
Shunday qilib, Hasanboy chorak finalda qo‘shni davlat bokschisiga qarshi ringga chiqadi.
