Turkiya prezidenti Toyyib Erdo‘g‘an Yevropa ittifoqi bilan xayrlashishi mumkinligi haqida ma'lum qildi. Bu holat tashkilotga Turkiyaning kirishi borasidagi muzokaralar jarayonida yangi bandlar ochilmasa ro‘y beradi. Bu haqda respublika yetakchisi hukmron Adolat va rivojlanish partiyasi qarorgohida chiqish qilib, aytib o‘tdi.
"Sizlarda (YeI) kelajakda shug‘ullanish uchun narsalar ko‘p, hamda sizda muzokaralar jarayonining yangi bandlarini ochishdan boshqa iloj ham yo‘q. Ochsangiz – gaplashamiz. Ochishni istamasangiz – unda ko‘rishguncha", - deya aytib o‘tdi u. Turkiya rahbarining fikricha, “Turkiya avval gapirgan barcha narsani amalga oshdi”.
"Yaqinda NATO yig‘ilishi bo‘ladi, o‘sha yerda gaplashamiz. Ular (YeI) beshta banddan iborat ro‘yxat taqdim etishdi, u yerda Turkiyada favqulodda holat rejimini bekor qilish va shunga o‘xshash narsalar bor. Bas, undan ko‘ra, siz nima qilishni rejalashtirayotganingiz, Fransiyadagi favqulodda holat rejimini bekor qilish haqida aytinglar", - degan Erdo‘g‘an. U Bryusselni o‘z so‘zida sobit qolishga chaqirgan.
"Biz aytishimiz mumkin bo‘lgan narsa shuki, ularga muzokaralar dasturidagi bandlar masalasini hal qilish va o‘z va'dalarini bajarish talab etiladi. Shundan so‘ng biz o‘tirib gaplashib olamiz, aks holda esa muhokama qiladigan narsaning o‘zi bo‘lmaydi", - deya ma'lum qildi Erdo‘g‘an.
