Obameyang yozda boshqa jamoaga o‘tadi

Dortmundning «Borussiya» jamoasi hujumchisi Per-Emerik Obameyang mavsum yakunida «PSJ»ga o‘tishi oydinlashmoqda.

Bild xabariga ko‘ra, 27 yoshli gabonlik futbolchi parijliklar jamoasi sport direktori Patrik Klyuyvert bilan uchrashgan shaxsiy shartnoma borasida kelishib olgan. Unga ko‘ra, futbolchining yillik maoshi miqdori 14 million yevroni tashkil etadi.

Obameyang «PSJ»ga o‘tishi haqida Germaniya Kubogi finali doirasida  «Borussiya» va Frankfurtning «Ayntraxt» jamoalari o‘rtasida 27 may kuni bo‘lib o‘tadigan o‘yindan keyin rasman ma'lum qilinishi kutilmoqda.