Ruslan Chagayev O‘zbekistonga keldi

Professional boks bo‘yicha superog‘ir vazn toifasida sobiq jahon chempioni Ruslan Chagayev O‘zbekistonga keldi. Bu haqda Olamsport.com xabar tarqatdi.

Hamyurtimizning ayni paytda nima maqsadda Toshkentga tashrif buyurgani noma'lum. Instagramdagi MMA_Uzbekistan sahifasi bokschining O‘zbekistonda olingan suratini joylashtirgan.

Shuningdek, u Toshkent shahrida davom etayotgan boks bo‘yicha Osiyo chempionatiga ham tashrif buyurdi. 

Xabarda aytilishicha, ayni paytda u o‘zi tug‘ilib o‘sgan Andijon shahrida bo‘lib turibdi.