Foto: «Bunyodkor»
Toshkentning «Bunyodkor» klubi bosh direktori Baxtiyor Boboyev ortidan jamoa bosh murabbiyi Sergey Lushchan ham lavozimini tark etdi.
«Bunyodkor» FK murabbiylar shtabida o‘zgarish yuz berdi.
Jamoaning Osiyo Chempionlar ligasi va oliy liga bahslarida qayd etayotgan natijalari yaxshi emasdi. Natijada, Sergey Lushchan o‘z arizasiga ko‘ra, egallab turgan lavozimini tark etdi. U «Bunyodkor» bosh murabbiyi sifatida 122ta uchrashuv o‘tkazdi. Shularning 63tasida g‘alaba, 27tasida durang va 32tasida mag‘lubiyat qayd etdi. Sergey Ivanovich keyingi faoliyatini «Bunyodkor» futbol maktabida davom ettiradigan bo‘lib turibdi.
Sergey Lushchan bilan uning yordamchisi Muhiddin Ortiqov ham asosiy jamoani tark etdi», deyilgan klub matbuot xizmati xabarida.
