Venesuelada talabalar harakati yetakchisi o‘ldirib ketildi

Venesuelada talabalar milliy tashkilotining Ansoategi shtatida joylashgan Texnologiya universitetidagi bo‘limi boshlig‘i Xuan Lopes noma'lum kimsalar tomondan otib ketildi. Globovision telekanalining ma'lum qilishicha, hujum oqibatida yana 3 kishi yaralangan. 

Mamlakat bosh prokuraturasi Lopesning o‘limini tasdiqladi. Ushbu qotillik yuzasidan tergov boshlangan. Qotillikka nima sabab bo‘lgani ma'lum qilinmagan.

Venesuelada 4 may kuni hukumatga qarshi talabalar namoyishlari bo‘lib o‘tdi. Bir nechta namoyish Bolivar gvardiyasi bo‘linmalari tomondan tarqatib yuborilgan. "Demokratik birdamlik bloki" muxolif koalitsiyasi ma'lumotlariga ko‘ra, maxsus kuchlar mamlakatning Markaziy universitetida ayniqsa shafqatsizlik bilan harakat qilganlar. 

3 may kuni Karakasdagi norozilik namoyishlarida 400 ga yaqin odam jarohatlangandi, kamida bir kishi halok bo‘lgandi.