Oxirgi qadam. YeChL finalidan oldingi eng so‘nggi uchrashuv haqida

Yevropa chempionlar ligasining 1/2 finali ikkinchi javob uchrashuvi Madrid derbisiga aylanadi. Tribuna.Uz final oldidan so‘nggi YeChL uchrashuv tafsilotlariga batafsil to‘xtalib o‘tdi.

Yevropa chempionlar ligasining 1/2 finali ikkinchi javob uchrashuvi Madrid derbisiga aylanadi. Tribuna.Uz final oldidan so‘nggi YeChL uchrashuv tafsilotlariga batafsil to‘xtalib o‘tadi.

«Atletiko» – «Real» (2 may, 23:45, UzReport, Match TV, Match! Futbol 1)

Turinning «Yuventus» klubi dastlabki final yo‘llanmasini qo‘lga kiritdi va uch haftadan so‘ng bo‘lib o‘tadigan o‘yinda o‘z raqibi kim bo‘lishini bugun aniqlab oladi. Raqibning manzili aniq — Madrid. Faqat shaharning qaysi jamoasi bo‘lishi hozircha noma'lum bo‘lib turibdi. «Real»ning birinchi uchrashuvda 3:0 hisobda g‘alaba qozongan va tarixda bunday yutuqdan keyin, faqat ijobiy natijalar qayd etganini hisobga oladigan bo‘lsak, aynan Zidan jamoasi bo‘lishi haqiqatga yaqin bo‘lib qolmoqda. 

Ammo Diyego Simeone va uning shogirdlari taslim bo‘lish niyati yo‘q. Murabbiyning fikricha uning jamoasi «hakam hushtagi chalinmaguncha, bir zum ham kurashni to‘xtatmaydi». Bu esa bizni oldinda yana bir qiziqarli uchrashuv kutayotganidan dalolat beradi.

O‘zaro uchrashuvlar tarixi

Yevrokuboklarda ikki jamoa o‘rtasidagi to‘qnashuvlar tarixi titkilansa birinchi navatda darhol ikki final uchrashuvi yodimizga tushadi. Ammo jamoalar bundan tashqari 2014/2015 yilgi mavsumda YeChL chorak finalida ham o‘zaro ro‘baro‘ kelishgan. «Visente Kalderon»da hisob ochilmagan bo‘lsa, «Bernabeu»da yagona gol o‘yin taqdirini mezbonlar foydasiga hal qilgandi. Umumiy yevrokuboklar statistikasi «Atletiko» uchun quyidagicha: «Real»ga qarshi yevrokubok pley-offlarida 4ta to‘qnashuv (1959-yilda ham uchtalik o‘yinda «Real» g‘olib chiqqan) barchasida «qaymoqranglilar» uchun kerakli natija bilan tugagan.

Qiziqarli faktlar va raqamlar

Atletiko Madrid

— «Atletiko» Yevropa chempionlar ligasining (YeChK) yarim finalida 5 marta ishtirok etgan va ularning so‘nggi uchtasida final yo‘llanmasini qo‘lga kiritgan. So‘nggi marta jamoa yarim finalga chiqib, 1971 yilda ikki uchrashuv natijasiga ko‘ra («Ayaks»ga 1:0, 0:3) mag‘lubiyatga uchragan;
— «Atletiko» YeChL (YeChK) yarim finallarida o‘z uyida o‘tgan birorta uchrashuvda mag‘lubiyatga uchramagan (4G‘, 1D). Birgina durang ham «Chelsi»ga qarshi mehmondagi uchrashuvda 3:1 (2014 yil) hisobida g‘alaba bilan qaytilganidan keyin qayd etilgan;

— «Atletiko» bugun yevrokuboklar bilan xayrlashadigan «Visente Kalderon» stadionida 35 uchrashuv o‘tkazgan bo‘lib, ularning 29tasida g‘alaba qozongan, 2 marta g‘alaba qozongan. Jamoa uy stadionida so‘nggi 10 uchrashuvdan buyon mag‘lubiyatga (8G‘, 2D) uchramay kelmoqda. Bu mavsumda esa o‘tkazilgan 5 uchrashuvning 4tasida jamoa g‘alaba qozongan;
— «Atletiko» yevrokuboklarda ispan jamoalariga qarshi 21ta uchrashuv o‘tkazib, 8 g‘alaba, 5 durang va 8 mag‘lubiyat qayd etgan. O‘z uyida o‘tkazgan uchrashuvlarda jamoa ispan klublariga biror marta ham mag‘lubiyatga uchramagan — 6 g‘alaba, 2 durang. Ikki uchrashuvdan iborat pley-offlardagi ko‘rsatkich esa 5 g‘alaba, 3 mag‘lubiyatdan iborat. Ya'ni «Atletiko» uch marta ispan jamoasiga ikki o‘yin natijasiga ko‘ra yutqazib, musobaqadan chiqib ketgan;
— 1959 yilgi mavsum yarim finalidagi Madrid derbisidan so‘ng, «Atletiko» faqatgina Yevropa ligasi (2011/12 yilgi mavsum) yarim finalida Ispaniya jamoasiga ro‘baro‘ kelgan. O‘shanda jamoa «Valensiya»ni ikki uchrashuv natijasiga ko‘ra, 5:2 (o‘yda 4:2, mehmonda 1:0) hisobida g‘alaba qozonib, finalga yo‘llanma olgan;
— «matraschilar» UYeFA tasarrufidagi musobaqalarning pley-off bosqichlarida 19 marta dastlabki uchrashuvda yutqazib, 9tasida keyingi bosqichga chiqqan, 10tasida imkoniyat boy berilgan. So‘nggi marta jamoa 2008/09 yilgi YeChL saralash bosqichida «Shalke»ga birinchi o‘yinni boy berib (0:1) javob uchrashuvidagi g‘alaba (4:0) evaziga keyingi bosqichga yo‘llanma olgan.
— «Atletiko» 1981/1982 yilgi mavsum UYeFA kubogi saralash bosqichida «Boavishta» klubiga birinchi uchrashuvda uchta to‘p farqi bilan yutqazib (1:4), javob uchrashuvida bu farqni yo‘qqa chiqara olmagan (3:1).

Real Madrid

— «Real» YeChL va eski formatdagi YeChKni qo‘shib hisoblaganda yarim final yo‘llanmasini 27 marta qo‘lga kiritgan. Bu safar 28-marta shu bosqichda qatnashmoqda;
— «Real» YeChL yarim finallarida mehmonda o‘tkazgan uchrashuvlarning so‘nggi yettitasidan faqat bittasida («Bavariya», 2014 yil) g‘alaba qozongan (2 durang, 4 mag‘lubiyat), yarim finallarning umumiy statistikasida esa jamoa mehmonda 5ta g‘alabaga erishgan (6D, 16M);
— «Real» bu yilgi YeChL mavsumida umuman mag‘lubiyatga (8G‘, 3D) uchramayapti. Pley-off bosqichining barcha uchrashuvida jamoa g‘alaba qozongan.
— «Qirollik klubi» o‘tgan yili YeChL chorak finalida «Volfsburg»dan chorak finalda (0:2) mag‘lub bo‘lganidan buyon mehmonda 11 uchrashuv o‘tkazib, ularning birortasida mag‘lubiyatga uchramay kelmoqda. Ularning oltitasida jamoa g‘alaba qozongan;

— «Real»ning ispan jamoalariga qarshi yevrokuboklardagi statistikasi qo‘yidagicha — 12G‘, 6D, 3M (mehmonda 2G‘, 3D, 2M). Ix rekord v dvunogix svyazyax - W5 L2.

— bu «Real»ning YeChLda beshinchi marta ispan jamoasiga qarshi yarim final uchrashuvini o‘tkazishi. Bungacha jamoa 1959 yilda «Atletiko»ni mag‘lubiyatga uchratgan bo‘lsa,qolgan barcha to‘qnashuvlar «Barselona»ga qarshi bo‘lib o‘tgan. Jamoa kataloniyaliklarni ikki marta (1959/60, 2001/02) mag‘lub etgan bo‘lsa, bir safar imkoniyatni boy bergan (2010/11).

— «Real» 2011 yilda «Barselona»dan uchralgan mag‘lubiyatdan keyin ispan jamoalariga qarshi yevrokuboklarda 8 uchrashuv o‘tkazib, biror marta ham mag‘lubiyatga uchramagan..

— «Real» pley-off bosqichining dastlabki uchrashuvini o‘z uyida o‘tkazib, g‘alaba qozongan 58 uchrashuvning 45tasida keyingi bosqichga yo‘l olgan (so‘nggi marta joriy mavsum 1/8 finalida «Napoli»ga qarshi);
— jamoa o‘z uyidagi dastlabki uchrashuvda 3:0 hisobida g‘alaba qozongan holat 9 marta (so‘nggi marta 2014 yil «Borussiya»ga qarshi, javob uchrashuvida 0:2 yutqazgan) kuzatilgan bo‘lib, keyinchalik o‘sha qarama-qarshilikning barchasida «Real» keyingi bosqichga yo‘llanma olgan. Jamoa bu to‘qnashuvlarda ko‘pi bilan ikkita gol o‘tkazib yuborgan va bu holat yetti marta kuzatilgan.

Yo‘qotishlar

«Real» tarkibida Garet Beyl maydonga tusha olmasligi aniq bo‘lib ulgurgandi. Bu safar uning safiga Dani Karvaxal ham qo‘shildi. Shuningdek Pepening ham maydonga tushishi so‘roq ostida qolmoqda.

«Atletiko» tarkibida Fernandes jarohati sabab uchrashuvni o‘tkazib yuboradi. Xuanfran va Xose Ximenesning maydonga tushish-tushmasligi bugungi fitness testlardan so‘ng aniq bo‘ladi. Shime Vrsalkoning ishtiroki esa hamon so‘roq ostida qolmoqda

Taxminiy tarkiblar

«Real» o‘tgan uchrashuvga nisbatan bitta o‘zgarishni amalga oshirishi kutilmoqda. Jarohat olgan Karvaxal o‘rnini o‘ng qanotda Nacho egallashi kutilmoqda. Atletiko» tarkibida esa o‘ng qanotning asosiy futbolchisi Xuanfran maydonga tushsa, o‘sha chiziq yagona o‘zgarish bo‘ladi. Bir so‘z bilan aytganda ikkala jamoada ham yagona o‘zgarish o‘ng qanot himoyasida bo‘lishi kutilmoqda.

Atletiko: Oblak; Xuanfran, Godin, Savich, Filipe Luis; Saul Ngiyes, Koke, Gabi, Ferreyra-Karrasko; Grizmann, Gameyro.
Real Madrid: Navas; Nacho, Ramos, Varan, Marselo; Kroos, Kazemiro, Modrich; Isko, Benzema, Ronaldu.