Deyarli rasman: Aleksis Sanches yozda boshqa jamoaga o‘tadi

«Arsenal» hujumchisi Aleksis Sanches o‘z kelajagi borasida bir qarorga kelib bo‘lgan.

Le Parisien ma'lumotiga ko‘ra, futbolchi  keyingi mavsumda Myunxenning «Bavariya» jamoasi safida o‘ynay boshlaydi. Chililik futbolchini Germaniyaga o‘tishga vatandoshi Arturo Vidal ko‘ndirgan.

Shuningdek transfer qiymati ham ma'lum qilingan - 40 mln yevro.

Bundan avvalroq Sanches o‘z kelajagini mavsum yakunida «kanonirlar» bosh murabbiyi Arsen Venger bilan muhokama qilmoqchi ekani aytilgandi.

Unga nemislar jamoasidan tashqari  «PSJ», «Manchester Siti», «Chelsi» va «Yuventus» klublari talabgor bo‘lib turibdi. 

Joriy mavsumda ushbu 28 yoshli futbolchi Angliya chempionatida 35 uchrashuvda maydonga tushdi va 20 gol urdi.