YeChL finalini germaniyalik hakam boshqaradi

UYeFA bu mavsumdagi Yevropa chempionlar Ligasi va Yevropa Ligasi finallarini boshqarib boradigan hakamlar nomini e'lon qildi.

Tashkilot rasmiy saytiga ko‘ra, 3 iyun kuni Uels poytaxti Kardiff shahrida bo‘lib o‘tadigan, «Yuventus» va «Real» jamoalari o‘rtasidagi finalni Feliks Brix boshchiligidagi germaniyalik hakamlar brigadasi boshqaradi.

«Manchester Yunayted» va «Ayaks» o‘rtasidagi Yevropa Ligasi finalida (Stokholm, 24 may) esa sloveniyalik Damir Skomina boshchiligidagi brigada ishlaydi.