«Real» hujumchisi Alvaro Morata mavsum yakunlangach, Angliyaning «Chelsi» klubida faoliyatini davom ettirishi mumkin.
Sportbible nashri 24 yoshli Ispaniya terma jamoasi futbolchisining so‘nggi vaqtlarda London jamoasi futbolchilarining instagramdagi sahifasiga obuna bo‘lishiga e'tibor qaratgan. Morata oxirgi marta ommaviy ravishda «Chelsi» futbolchilari, jumladan Eden Azar, Diyego Kosta, Villian, Tibo Kurtua va Fransesk Fabregasning sahifasiga obuna bo‘lgan.
Eslatib o‘tamiz, oldinroq Morataning rafiqasi o‘zi uchun Angliya poytaxtidan uy sotib olgani haqida xabalar tarqalgandi. Futbolchiga «Chelsi»dan tashqari, «Manchester Yunayted» va «Arsenal» ham qiziqish bildirgan.
