Toshkent IIBB haydovchilarni ehtiyotkorlikka chaqiradi

Toshkent shahar ichki ishlar bosh boshqarmasi haydovchilar va transport vositalari egalarini avtomobillarini qarovsiz qoldirmaslikka hamda avtomobili bilan yo‘lga chiqishdan avval davlat raqamlari bor-yo‘qligiga ishonch hosil qilishga chaqiradi.

Gap shundaki, so‘nggi vaqtlarda, Toshkent shahrida avtomobil davlat raqamlari yo‘qolishi va ularning yo‘llarda tushib qolish holatlari ko‘paygan. Qisqa vaqt ichida 16ta shunday holat qayd qilingan. Bu haqda shahar IIBBda o‘tkazilgan matbuot brifingida ma'lum qilindi. 

Davlat raqamlari ba'zi hollarda yaxshilab qotirilmagani sabab yo‘llarda tushib qolayotgan bo‘lsa, ayrim hollarda g‘arazli maqsadlarda o‘g‘irlash holatlari ham kuzatilmoqda.