Fransiyada muzeydan million yevrolik eksponatlar o‘g‘irlab ketildi

Foto: Getty Images

Fransiyaning Lion shahridagi tasviriy san'at muzeyi Furver tunab ketildi. Muzeydan o‘g‘irlab ketilgan eksponatlarning qiymati bir million yevroga baholangan.

Jinoyatchilar muzeyning asosiy eksponati – Deva Mariya tojini (tiara) o‘g‘irlashgan. Ushbu zeb-ziynat 1 ming 791 ta qimmatbaho tosh bilan bezalgan. Shuningdek, boshqa qimmatbaho buyumlar ham yo‘qolgan.

Mahalliy politsiyaning ma'lum qilishicha, o‘g‘rilar muzeyga 13 may kuni soat 03:30 larda kirishgan. Tergovchilarning fikricha, o‘g‘rilar yaxshi tayyorlangan va jihozlangan bo‘lgan. Ular puxta o‘ylangan reja asosida harakat qilishgan.

Hozir muzey vaqtinchalik yopib qo‘yildi, deb xabar bermoqda France 3 telekanali.

#Fransiya #muzey #eksponat