Poroshenko: Ukraina Shengen hududi a'zosi bo‘lishi kerak

Ukraina prezidenti Pyotr Poroshenko Ukraina Shengen hududi a'zosiga aylanishini o‘z maqsadi qilmoqchiligini aytdi. U bu haqda ICTV telekanali efirida aytib o‘tdi. 

"Mening maqsadim Ukraina Shengen hududi a'zosi bo‘lishi va Xarkovdan Lissabongacha chegaralarda hech qanday to‘xtashlarsiz o‘tish mumkin bo‘lishidan iborat", deb aytdi Poroshenko.

Poroshenko 20 may kuni Berlinga tashrif buyurib, Germaniya kansleri Angela Merkel bilan uchrashishini ma'lum qildi. 

Shengen hududiga Yevropaning 1985 yilda Lyuksemburgdagi Shengen qishlog‘ida imzolangan kelishuvga qo‘shilgan 26 ta davlati kiradi.