KXDR yetakchisi Kim Chen In navbatdagi raketa sinovida ishtirok etdi. Shimoliy Koreya harbiylari bu safar yangi o‘ta aniq yo‘llash tizimini sinovdan o‘tkazdi, deb xabar qilmoqda KMTA (Koreya markaziy telegraf agentligi).
Shu bilan birga, xabarda sinov qachon o‘tkazilganiga oydinlik kiritilmagan. KXDR so‘nggi bor 29 may kuni raketa uchirgan edi.
Ta'kidlanishicha, raketa "nishonni 7 metrga xato qilib yo‘q qilgan". Bundan tashqari, Shimoliy Koreya yetakchisiga o‘tish tavsiflari yaxshilangan yangi gusenitsali o‘ziyurar uchirish uskunalarini ham namoyish etishgan.
Raketa uchirilganidan keyin Kim Chen In "mudofaa sanoatining qudratini namoyish qilish va AQShga yanada ko‘proq "sovg‘alar" yuborish uchun muvaffaqiyat qozonish muhimligi"ni ta'kidlagan.
29 may kuni KXDR mamlakat sharqiy sohilidagi Vonsan shahri hududidan navbatdagi ballistik raketa sinovinii o‘tkazgan edi.
U 6 daqiqa parvoz qilib, 450 km masofani bosib o‘tdi. Janubiy Koreya uni "Skad" turidagi raketalarga kiritdi. Raketa Yaponiyaning iqtisodiy hududida Niigata prefekturasi Sado orolidan 500 km, Simane prefekturasi Oki orollaridan 300 km uzoqlikda qulagan.
Rasmiy Tokio bunga javoban "AQSh bilan birgalikda Shimoliy Koreyaning popugini pasaytirib turish uchun aniq qadamlar tashlanishi"ni bildirdi. Seul esa raketa sinovini "BMT XK rezolyutsiyasini ochiq-oydin buzish", deb baholadi.
