UYeFA Chempionlar ligasining hal qiluvchi pley-off o‘yinlarini 2021 yildan shanba va yakshanba kunlariga ko‘chirish imkoniyatlarini ko‘rib chiqmoqda. Bu haqda France Football xabar tarqatdi.
2009/10 yilgi mavsumda turnir finali shanba kuni o‘tkazilgandi. Endilikda UYeFA Chempionlar ligasining 1/4 va 1/2 final bosqich o‘yinlarini ham dam olish kunlariga ko‘chirishni rejalashtirmoqda.
Ushbu tashabbus «Yuventus», «Real» va «Barselona» tomonidan qo‘llanishi kutilmoqda. Klublar bu orqali o‘yinlarning Osiyo va Amerika qit'alaridagi teleauditoriyasi kengayishi ortidan katta mablag‘ga ega bo‘lishi mumkin.
