Jazirama yoz fasli kirib kelishi bilan salqin, bahavo joyni izlay boshlaymiz. Ayniqsa, yozning qaynoq harorati kuni bo‘yi ishlaydiganlarni charchatib qo‘yadi.
Bu vaqtda esa zamonaviy texnologiyalar yordamidan foydalanishga to‘g‘ri keladi.
Konditsioner – xonaning havosini tozalab, yozda salqinlik ulashuvchi ishonchli do‘stdir. Har bir do‘kon iste'molchilarga o‘nlab modellarni taqdim etadi, biroq uni sotib olishda ko‘p jihatlarga e'tibor qaratish zarur.
Konditsioner tanlashda ahamiyat berish zarur bo‘lgan 3 oltin qoidani e'tiboringizga havola etamiz.
1. Xona o‘lchamini hisoblash
Konditsioner quvvati boshqa qurilmalardagidek kilovatt bilan emas, balki BIB (Britaniya Issiklik Birligi, BTU - British Thermal Unit)da o‘lchanadi. Konditsioner quvvatini xonadon hajmiga moslab o‘lchash uchun maxsus formulalar mavjud. Lekin bu formulalar o‘rniga, oddiy va qulay jadvalni havola qilish maqsadga muvofiq deb topdik:
Agar xona quyoshli yoki soya tomonda joylashgan bo‘lsa, xonadonda ko‘pchilik istiqomat qilsa yoki konditsionerni oshxonaga yaqin joyga o‘rnatmoqchi bo‘lsangiz, unda yuqoridagi jadval hisobidan biroz quvvatliroq konditsioner tanlaganingiz ma'qul.
2. Konditsioner turlarini farqlash
Oddiy split-tizim – eng ommabop konditsioner modeli va xonadonlarga o‘rnatish uchun mo‘ljallangan eng yaxshi variant. Uning yana bir afzalligi shundaki, shovqin darajasi past hamda turli xil qo‘shimcha imkoniyatlarga ega: masofaviy boshqaruv, havo tozalashning turli filtrlari, taymer, +16dan +30 °Cgacha bo‘lgan xona haroratini boshqarish va boshqalar.
Invertorli konditsionerlar quvvatni bir maromda rostlab, doimiy haroratni saqlab qoladi va yoqilishi bilanoq xonani bir zumda sovutish imkoniga ega. Shuningdek, kam elektr energiya sarflaydi. Agar narxining yuqoriligini hisobga olmasa, juda yaxshi tanlov bo‘lishi mumkin. Foydali jihati shundaki, invertorli konditsionerlar o‘z quvvatini xonaning haroratidan kelib chiqib sarflaydi, natijada elektr toki sezilarli darajada tejaladi.
