Фото: "Кун"
GM Uzbekistan АЖ расмий сайтида автомобиллар нархлари билан реал вақт режимида танишиб бориш имконияти мавжуд бўлган махсус бўлим иш бошлади.
Бўлимдаги маълумотлар ҳар ҳафта янгиланиб боради ҳамда унда 6 июнь ҳолатига кўра, автомашиналарнинг янги нархлари берилди. Нархлар Марказий банкнинг 2017 йил 6 июндаги курси бўйича кўрсатилган: 1 АҚШ доллари - 3874,48 сўм.
Аввалроқ 1 июндан бошлаб "GM Uzbekistan" барча автомобиллари сўмда сотилиши йўлга қўйилиши ҳақида хабар бергандик. Нархлар долларга боғланган ва миллий валютадаги нархлар ҳар ҳафта ўзгариб бориши мумкин.
