18:28 / 08.06.2017
6492

JARda kuchli bo‘ron, halok bo‘lganlar bor

Foto: Getty Images

Janubiy Afrika Respublikasining Keyptaun shahri qirg‘oqlariga bo‘ron yopirildi. Kuchli shamol va momaqaldiroq natijasida sohil bo‘ylab yong‘inlar yuz bermoqda, deb xabar qildi Bloomberg.

Keyptaun va unga yaqin tumanlarda chaqmoq chaqishi tufayli yuz bergan yong‘inlarda sakkiz kishi halok bo‘ldi. Naysna shahrida shifoxona xavfsiz joyga ko‘chirildi va bosh magistral yopib qo‘yildi.

«Kuchli shamol sabab olov shiddat bilan tarqalmoqda», - deb xabar bergan mahalliy OAV.

JAR prezidenti Jyeykob Zuma bo‘ron sabab Durbandagi xalqaro anjumanda ishtirok etmaslikka qaror qildi.

Mavzuga oid
Top