Yamanda vabodan o‘lganlar soni 800 nafarga yaqinlashdi

Yamanda vabo kasalligidan halok bo‘lganlar soni 791 nafarga yaqinlashdi, deb xabar qilmoqda Reyter agentligi Jahon Sog‘liqni saqlash tashkilotiga tayangan holda. 

Avvalroq, 727 kishi vafot etgani haqida xabar qilingan edi. JSST ma'lumotlariga ko‘ra, Yamanda 27 aprelda qayta tarqala boshlaganidan so‘ng, 7 iyundagi holatga ko‘ra, kasallanganlarning umumiy soni 101,8 ming kishiga yetdi. Ularning deyarli yarmi 15 yoshdan kichiklardir. 

Yamanning sog‘liqni saqlash mulozimlarining ma'lum qilishicha, BAA mamlakat janubidagi Aden shahriga havo orqali vaboga qarshi 50 tonna dori-darmonlarni yetkazib bergan.