«Inter» yangi bosh murabbiyini tanishtirdi

Italiyaning «Inter» klubi Luchano Spallettini yangi bosh murabbiy sifatida tanishtirdi. Bu haqda klub rasmiy saytida xabar berilgan.

Manbaga ko‘ra, 58 yoshli mutaxassis milanliklar bilan uch yillik shartnoma imzolagan. Spalletti jamoa bilan dastlabki mashg‘ulotni 3 iyulda o‘tkazadi.

Spallettining oldingi ish joyi «Roma» klubi bo‘lgan. Rimliklar bilan mutaxassis Italiya A seriyasida ikkinchi o‘rinni egallagandi. «Inter» esa o‘tgan mavsumni 7-o‘rinda yakunlab yevrokuboklarsiz qolib ketgandi.