12 iyunda Ruminiyada ushbu davlat harbiy-havo kuchlarining MiG-21 Lancer qiruvchi samolyoti falokatga uchradi. Voqea Konstansa uyezdida samolyot Ruminiya va Bolgariyaning “Frakiya burguti-2017” harbiy mashg‘ulotlari doirasida mashg‘ulot parvozini bajarayotganda yuz bergan.
Shunisi ma'lumki, samolyot Mixail Kogelnichanu nomidagi harbiy bazadan havoga ko‘tarilgan. Uchuvchi qo‘nish vaqtida dvigatelda jiddiy nosozliklar borligini ma'lum qilgan. Ruminiya mudofaa vazirligi saytida ma'lum qilinishicha, uchuvchi katapulta qilishga ulgurgan, biroq umurtqasidan jarohat olgan. U behush holda topilib, shifoxonaga jo‘natilgan.
