Putin AQShning Ukrainadagi siyosati maqsadini izohladi

Rossiya prezidenti Vladimir Putinning fikricha, AQShning Ukrainadagi siyosati falsafasi shundan iboratki, Ukrainaning Moskva bilan yaqinlashishiga yo‘l qo‘ymaslikdir. Ayrimlar bunda RF qudrati kuchayishi borasidagi tahdidni ko‘rmoqda. 

"Amerika xalqaro siyosatining bu mintaqadagi falsafasi shundayki, Rossiya va Ukrainaning yaqinlashuviga yo‘l qo‘ymasligidir. Chunki, bunda kimdir qandaydir tahdidni ko‘rmoqda. Guyo bu Rossiya qudrati manbasi, shu sababli qanday bo‘lmasin Rossiya va Ukrainaning har qanaqa yaqinlashuviga yo‘l qo‘ymaslikdir", — degan Putin. U amerikalik rejissyor Oliver Stounning Showtime telekanalida namoyish qilingan filmida shunday fikrlarni bildirgan. 

Bunda, Putinning qayd etishicha, AQShda ham, Yevropa mamlakatlarida ham ukrainalik fuqarolarning tanlov erkinligidan boshqachaa harakat qiluvchilar bor. 

"Ammo, menimcha, AQSh va Yevropadagi ko‘plab hamkorlarimiz ukrain xalqi tanlovi erkinligidan emas, balki aynan shu tasavvurdan kelib chiqqan holda harakat qilishdi. Ukrainada radikallar, millatchi unsurlarni qo‘llab-quvvatlash, shu yondashuv nuqtainazaridan mag‘lubiyatga uchralmaydi. Shunday ekan, bu ma'noda, uni amalga oshirganlar o‘z maqsadlariga yetishishdi, ajoyib tarzda amalga oshirishdi", — degan Putin.

"Ammo, muammoga bir lahzalik dushmanlik va qandaydir tashqi tahdidga qarshi o‘z atrofida vassallarni to‘plashga nisbatan kengroq yondashilsa, jahon hamjamiyati rivojiga qaralsa, avval ham aytganimdek, dunyodagi holat qanday bo‘lishi borasida 25 yil oldinga qaralsa, xalqaro munosabatlar falsafasini o‘zgartirish mumkin bo‘lardi", — deya qo‘shimcha qilgan Rossiya rahbari.