AQSh prezidenti Donald Tramp 2016 yil uchun moliyaviy hisobotini taqdim qildi. 98 sahifalik hujjat hukumat huzuridagi axloq masalalari bo‘yicha byuro saytida chop etildi.
Hujjatga ko‘ra, Tramp o‘tgan yil golf-klublaridan 298 mln dollar daromad olgan. U, shuningdek, Floridadagi "Mar-a-Lago" kurortidan 37,2 mln dollar ishlab topgan. Shuningdek, Tramp o‘tgan yili Vashingtonda ochilgan Trump Hotel mehmonxonasidan 19,7 mln dollar foyda ko‘rgan.
Hisobotda Tramp prezident lavozimiga kirishishidan oldin rahbarlik lavozimlarini tark etgan 565 ta kompaniya nomi keltirib o‘tilgan.
Hisobotga ko‘ra, Trampning qarzi 315 million dollarni tashkil qiladi.
Oq uyda ta'kidlanishicha, hisobot ko‘ngilli tarzda taqdim qilingan, vaholanki Tramp buni 2018 yil may oyigacha qilmaslik huquqiga ega.
