Putin Qirg‘iziston prezidentiga minnatdorlik bildirdi

Rossiya prezidenti Vladimir Putin qirg‘izistonlik hamkasbi Almazbek Atamboyevga minnatdorlik bildirdi. U Qirg‘izistondagi vaziyat barqarorlashganini aytdi va uning vakolati muddatiga yakuniga yetgach ham, ikki davlat o‘rtasidagi munosabatlar rivojlanishiga umid bildirdi. Bu haqda RIA Novosti xabar tarqatdi.

"Avvalgi beqarorlik davrida (Atamboyevning) sa'y-harakatlari tufayli vaziyat nafaqat yaxshilandi, balki, mening fikrimcha, ijobiy rivojlanish yo‘nalishiga qarab o‘zgardi", - dedi Putin RFda davlat tashrifi bilan bo‘lib turgan Atamboyev bilan uchrashuvda.

"Sizni tabriklamoqchiman va prezidentligingiz paytida qilingan narsalar davom ettirilishiga umid bildirmoqchiman", - deya qo‘shimcha qilib o‘tdi Putin.

Atamboyevning prezident lavozimidagi muddati joriy yilning kuzida o‘z nihoyasiga yetadi.