2017 yilning 22 iyun kuni taxminan soat 16:00 larda, o‘tkazilgan tezkor tadbir davomida Muxin Sergey Petrovich (anketa ma'lumotlari o‘zgartirilgan) Yakkasaroy tumani hududida joylashgan xonadonda fohishaxona saqlab, 100.000 so‘m pul evaziga fuqaro «D» va «O» larga jinsiy aloqa qilishlari uchun sharoit yaratib berganligi aniqlangan. Bu haqda Toshkent shahar Ichki ishlar bosh boshqarmasi xabar berdi.
Mazkur holat yuzasidan Yakkasaroy tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.
