18:45 / 28.06.2017
23880

Alisher Usmonov mukofoti million rublli startaplar tanlovini e'lon qildi

Rossiyalik biznesmen Alisher Usmonov o‘zining muxolifatchi Aleksey Navalniyga videomurojaati yuzasidan memlar, roliklar va karikaturalar tanlovi yakunlangani va yangisi — g‘oliblarning har biriga 1 million rubldan mukofot taqdim etiluvchi yangi tanlov haqida e'lon qildi.

«Menimcha, barchamiz to‘yib xursandchilik qilib oldik... Mening iltimosimga ko‘ra, tanlovni qo‘llab-quvvatlovchi jamoa hamjamiyatimizni qayta shakllantirib, guruhni yangi tashabbuslar maydonchasiga aylantirishadi. Masalan, hozirdan men xalqaro tarmoq kengliklaridagi iqtidorlarni qo‘llab-quvvatlashni istayman va shu sababli startaplar tanlovini e'lon qilaman», — deyiladi biznesmenning «VKontakte» ijtimoiy tarmog‘ida joylashtirgan xabarida.

Tanlovda barcha istovchilar qatnashishi mumkin.

«Har oy oxirida aniqlangan eng yaxshi loyihalar beminnat bir million rubl bilan mukofotlanadi. Yil yakunlariga ko‘ra eng diqqatga sazovor loyiha jamoasi esa loyihasiga investitsiya joriy etilishi ehtimoli muhokamasiga taklif oladi», — degan Usmonov.

Avvalgi tanlov yakunlariga ko‘ra, qo‘llab-quvvatlash jamoasi uch nafar g‘olib va xalq ovoziga ko‘ra aniqlangan g‘olibni iPhone 7 Plus smartfoni bilan taqdirlagan edi. Biznesmenning so‘zlariga ko‘ra, aksiyada o‘n minglab ishlar ishtirok etgan.

Top