Rossiyada o‘zbekistonlik 3 yoshli qizcha 12-qavatdan tushib ketdi

Rossiyaning Ryazan shahrida o‘zbekistonlik 3 yoshli qizcha ko‘p qavatli uy derazasidan pastga qarab quladi. 

Rossiya tergov qo‘mitasi mintaqaviy boshqarmasining xabar qilishicha, fojiali hodisa chorshanba, 28 iyun kuni kechqurun Pugachyov ko‘chasidagi 12-uyda yuz bergan. Uch yoshli qizcha 12-qavatda joylashgan xonadon balkonidan tushib ketgan. Guvohlarning so‘zlariga ko‘ra, bola o‘sha zahotiyoq halok bo‘lgan.

Ma'lum bo‘lishicha, qizchaning ota-onasi Rossiyaga O‘zbekistondan kelishgan. O‘sha kecha bolaga uning xolasi qarayotgan edi. Dastlabki ma'lumotlarga ko‘ra, qizcha ayol xonadondan biroz vaqtga chiqib ketgan paytda pastga qulagan.

Ushbu holat bo‘yicha surishtiruv olib borilmoqda.