Andijon Yoshlar ittifoqiga rais saylandi

Foto: "Kun"

Andijonda O‘zbekiston Yoshlar ittifoqi viloyat kengashining navbatdan tashqari yig‘ilishi bo‘lib o‘tdi. Unda Nodirbek Yusupov viloyat Yoshlar ittifoqiga rais etib saylandi. Bu haqda Andijondagi Kun.uz muxbiri xabar berdi.

1984 yilda Andijon shahrida tavallud topgan Nodirbek Yusupov bundan avval Andijon shahar hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari sifatida ishlab kelayotgandi.

U O‘zbekiston Liberal-demokratik partiyasi a'zosi hisoblanib, 2005 yilda Andijon davlat universiteti, 2013 yilda esa O‘zbekiston Respublikasi Prezidenti huzuridagi davlat boshqaruvi akademiyasini tamomlagan.