Mehnat stajini elektron hisobga olishga ikki bosqichda o‘tiladi

Vazirlar Mahkamasining 4.07.2017 yildagi 462-son “Jismoniy shaxslar mehnat stajini elektron hisobga olishni yanada takomillashtirish chora-tadbirlari to‘g‘risida”gi qarori e'lon qilindi, deb yozmoqda Norma.uz.

Eslatib o‘tamiz, 2019 yil 1 yanvardan birinchi marta ishga joylashtirilganlarga qog‘oz shaklida mehnat daftarchalarini berish to‘xtatilib, respublikada “Elektron mehnat daftari” tizimi joriy qilinmoqda.

Biroq, mehnat daftarchasini elektron hisobga olish bosqichma-bosqich amalga oshiriladi:

•  1.01.2018 yildan – yakka tartibdagi tadbirkorlar, dehqon xo‘jaliklari a'zolari, yirik qoramol va boshqa qishloq xo‘jaligi mahsulotlarini yetishtirayotgan shaxslar, shuningdek yuridik shaxs bo‘lmagan boshqa tadbirkorlik sub'yektlari;
•  1.01.2019 yildan – qolgan tashkilotlar.

Ish beruvchilar soliq organlariga har bir jismoniy shaxs kesimida mehnat staji (shu jumladan lavozimi holati, vaqtincha mehnatga layoqatsizligi davrlari, ta'tilda bo‘lganligi va uzrli sabablarga ko‘ra ishda bo‘lmagan boshqa davrlar) to‘g‘risida ma'lumotlarni  taqdim qiladi.

Ushbu axborot YaIT va Moliya vazirligi huzuridagi byudjyetdan tashqari Pensiya jamg‘armasiga fuqarolarning sug‘urta badallari bo‘yicha soliq hisoboti tarkibiga kiritiladi. Ma'lumotlar saqlanishini ta'minlash uchun mehnat staji to‘g‘risida arxiv ma'lumotlarini rezerv saqlash mexanizmi ishlab chiqiladi.

2019 yildan boshlab fuqarolar mehnat faoliyati to‘g‘risidagi ma'lumotlarni YaIDXP orqali interaktiv davlat xizmatlari vositasida olishlari mumkin bo‘ladi.